Продолжува комисиската расправа за законот за јазиците

Членовите на собраниската Комисија за европски прашања денеска ја продолжуваат амандманската расправа за предлог-законот за употреба на јазиците.

Претседателот на комисијата Артан Груби вчера прво најави дека за амандманите на опозициската ВМРО-ДПМНЕ и коалицијата ќе се расправа на 25 декември, кога ќе биде третиот и последен ден за расправа по амандманите.

Но, подоцна, излезе со соопштение дека, сепак, третиот ден од амандманската расправа ќе се одржи денеска.

На вчерашното продолжение министерот за правда Билен Саљији одби еден од амандманите на БЕСА.

Седницата на комисијата беше прекината откако претседателот на комисијата Груби не им даде можност за процедурална забелешка на пратениците од БЕСА по одбивање на амандманот.