Tuesday, Dec 12, 2017
HomeДЕНЕШНАРепубликаПродолжен рокот за пријавување штети од поплавите

Продолжен рокот за пријавување штети од поплавите

cresevo-poplava-1

Владата го продолжи рокот за пријавување штети од страна на жителите од поплавените подрачја, па наместо до вчера, граѓаните ќе може да пријавуваат до среда, 7 септември.

„Информираме дека краен рок за пријавување на настанатите штети (на недвижниот имот, движниот имот, моторните возила, земјоделските површини и сточниот фонд) од поплавите кои се случија на 6 август 2016 година, за оштетените од населените места Стајковци, Сингелиќ, Инџиково, Економија, Ченто, Брњарци, Страчинци, Виниче, Црешево, Булачани, Раштански пат, Смилковци, Арачиново, Илинден, Шуто Оризари и Шипковица, е среда (7 септември) заклучно со крајот на работното време во 16:30 часот“, се наведува во соопштението испратено од Владата.

Штетите може да се пријават во општините Гази Баба, Арачиново, Илинден, Шуто Оризари и Тетово, или пак во подрачните единици на Министерството за земјоделство шумарство и водостопанство во Гази Баба и Тетово.

Неофицијално, бројката на семејства кои претрпеа штети од поплавите е околу 4.000.