Приведени двајца албански државјани кај Табановце
Двајца државјани од Албанија биле приведени од полицијата кога се обиделе да влезат во земјава со лажни патни исправи. Според МВР, завчера напладне на граничниот премин Табановце, со автомобил „ситроен“ со албански регистарски таблички, допатувале Ш.О.(24) и Д.Џ.(46) и двајцата од Албанија. Тие се пријавиле за влез во земјава со албански патни исправи.
По извршената пасошка контрола, било утврдено дека двата пасоши биле фалсификувани. Кај едниот било утврдено дека била отстранета оригинална хартија на страницата број 8 и била заменета со несоодветна, и во другиот пасош била отстранета оригиналната страна на страницата број 20 и исто така била заменета со друга несоодветна хартија. По ова, полицијата ги привела двајцата странски државјани во СВР Куманово.