Пријава по пријава на Ременски и се закануваат и со затвор
Техничкиот министер за труд и социјална политика Фросина Ременски заработи нова кривична пријава поднесена од нејзиниот заменик Диме Спасов кој ја обвини за неизвршување на судска одлука, по што и се заканува и затворска казна доколку не ги почитува решенијата на Управниот суд каде се водат повеќе постапки меѓу двајцата функционери.
Наводно Ременски веќе десетина дена не ги почитува решенијата на Управниот суд за времените мерки со кои што судот ги стави вон сила кадровските промени која ги превзеде во министерството, а исто така нејзините жалби на овие решенија до Вишиот управен суд се отфрлени и со тоа времените мерки станале правосилни.
Ременски останува на ставот дека постапката е се уште во првостепена фаза и се чека на повисока инстанца додека не се исцрпат сите правни опции, а чека и решавање на сите кривични пријави кои пак, таа ги поднесе токму против Диме Спасов и функционери во министерството за незаконско работење.