Превртено комбе, обиколницата привремено затворена
Утрово се случи тешка сообраќајна несреќа на скопската обиколница при што комбе се преврте откако удрило во камион, а се преземаат мерки за утврдување на причините за сударот. Привремено обиколницата е затворена и сообраќајот се пренасочува.
Инаку, според извештајот на АМСМ сообраќајот на останатите патни делници се одвива непречено и се препорачува внимателно возење, прилагодена брзина на движење и почитување на поставената сообраќајна сигнализација. Посебно да се внимава низ клисурите, каде постои можност за појава на одрони кои наместа може да го попречат движењето на возачите.