Премиерот и заменикот не сведочеа пред Анкeтната за прислушкување

Премиерот Никола Груевски и вицепремиерот Зоран Ставревски не присуствуваа на првата седница на собраниската анкетна комисија за нелегалното прислушкување на телефонските разговори. Од владејачката партија соопштија дека Груевски не можел да сведочи поради службено патување во странство, а дека ќе биде слободен на 14-ти декември.

Ваквото одложување ги налути опозициските пратеници кои го оценија како избегнување од соочување со обвинувањата за корупција и прекршување на законите со следењето на комуникациите, а дека партиското соопштение за премиер не доликува, туку требало претходно неговиот кабинет да достави известување дека е во официјална посета во странство.

Претседателот на собраниска комисија Петре Шилегов за утре закажа нова седница на која како сведоци треба да присуствуваат Зоран Ставревски и шефот на кабинетот на премиерот, Мартин Протуѓер. Останатите сведоци меѓу кои Протуѓер, Јанкуловска, Мијалков и Јанакиевски во ниедна форма досега не се изјасниле дали прифаќаат да сведочат пред комисијата.