Предлогот на Град Скопје за претворање на кејот на Вардар во улица ќе стане реалност

Советниците на Град Скопје ја изгласаа одлуката да се гради пристапна улица со режим на сообраќај на Кејот „13-ти Ноември“.  Улицата ќе биде наменета за потребите на новите гради на плоштадот Македонија, но и за тие околу плоштадот.

Според образложението на градот, улицата ќе се гради веднаш до ѕидот на кејот од страна на компанијата „Дивелоп груп“ и е во согласност со деталниот урбанистички план Мал Ринг, донесен од страна на Советот на општина Центар уште во декември 2012-та година.

Проектот го има изработено “Чакар & Партнерс” верификуван од општина Центар лани, а во мај годинава е верификуван основниот проектот за изградба на улицата и за атмосферска канализација. Пристапната улица ќе се протега од улицата Филип II до зградата на “Телеком” на плоштад.