Празнично лудило во Охрид, градот врие од туристи
Продолжениот празничен викенд ги испразни улиците на сите градови во Македонија, посебно во главниот град, и ги преполни во охридскиот регион.
Одржувањето на голем број концерти и настапи на познати музички имиња ги заинтигрира младите овој викенд да го поминат незаборавно во Охрид, но не се исклучуваат и посетите на повозрасните категории, родители и деца.
Туристичките работници во Охрид се задоволни од големата раздвиженост овие денови во градот, преполната чаршија и шеталиштето за кое, како што велат тие, вообичаеното туристичко лето во градот вистински започнува некаде во втората половина од месец јули.