Пратениците утре ќе расправаат за разрешување на Зврлевски

Собранието утре најверојатно ќе расправа за владиниот предлог за разрешување на републичкиот јавен обвинител Марко Зврлевски. Собранискиот спикер, Талат Џафери кој е во официјална посета на Црна Гора соопшти дека сите документи за седницата за разрешување на Зврлевски се уредно доставени.

Пратениците во Собранието требаше уште вчера да расправаат за разрешувањето на Зврлевски, за кое даде согласност и Советот на јавни обвинители, но поради службениот пат на Џафери, беше презакажана за среда.

Владата побара разрешување на Зврлевски поради незаконито, ненавремено и недоволно стручно извршување на функцијата.