Прашањето кое никој не смее да му го постави на Том Круз
Според повеќе медиуми прес тимот на мега ѕвездата Том Круз е многу строг кон новинарските екипи кои сакаат интервју со него и забрануваат било какво прашање поврзано се неговото религиско убедување во Скиентологијата. Во истиот период додека трае промоцијата на најновиот акционен хит Mission Impossible: Rogue Nation се прикажува и документарот на Алекс Гибни Going Clear во кој се обработува темата за злоупотребите и малтретирањето на членовите на Скиентолошката црква.
Во Going Clear една од главните теми е дека Том Круз и Џон Траволта како мега ѕвезди се скапоцено богатство за Скиентолозите кои ги користат за самопромоција и дека знаат голем дел од нивните приватни тајни, па ги уценуваат. Том Круз беше гостин во голем број на ТВ шоу па дури имаше и натпревар во плејбек со Џими Фалон, но ниту еднаш не проговори за приватниот живот. Том Круз во изминатите десет години се обидува да се одалечи од Скиентологијата и не говори јавно за оваа тема, но не смее да ја напушти организацијата.