HomeДЕНЕШНАСкопјеПочна пријавувањето за купување печки на пелети

Почна пријавувањето за купување печки на пелети

Од денеска почнува пријавувањето за надоместување дел од трошоците на граѓаните на подрачјето на Град Скопје за купување печки на пелети за 2016 година.

Право на учество на овој јавен повик имаат жителите на Град Скопје, кои ќе купат печка на пелети за затоплување на својот станбен простор по денот на објавување на овој јавен повик и ќе поднесат Образец за барање за искористување на правото за надоместок.

Пополнет образец за барање, кој содржи и изјава дека барателот нема искористено право на надоместување средства за купување печка на пелети, на друг јавен повик од кој било извор во Република Македонија. Барањето може да се подигне во архивата на Град Скопје или да се обезбеди од интернет страницата на Град Скопје на следниов линк http://www.skopje.gov.mk/DesktopDefault.aspx?tabindex=0&tabid=775.

Купувачот на печка на пелети своето барање за искористување на правото за надоместување на дел од трошоците, заедно со потребната документација, треба да го достави во затворен плик до Град Скопје булevar Илинден бр.82, во архивата на Градот, секој работен ден од 9.30 до 15 часот.

Градот Скопје, во зависност од динамиката на пристигнување на пријавите, периодично ќе ја известува јавноста за преостанатите средства, се до нивно целосно искористување, но не подоцна од 30.11.2016 година

Social Media Auto Publish Powered By : XYZScripts.com