Поранешна Европска Република Грција – FEROG се налути на Словенците
Изгледа дека и Грците се соочија со префиксот Поранешна. Словенечкиот дневен весник Финанце својата подолга анализа насловена „Збогум, Грција?” ја илустрираше со зборовите „ФЕРОГ Поранешна Европска Република Грција” (Former European Republic of Greece) напишани на позадина со грчкото знаме. Илустрацијата е објавена и на насловната страница на денешното издание на Финанце. Грчките медиуми огорчено ја пренесоа веста објаснувајќи дека Словенците алудираат на спорот за името на Македонија.