Полицијата застрела еден од ограбувачите на Стопанска во Ѓорче
Филијалата на Стопанска банка во Ѓорче Петров денеска беше нападната од вооружени ограбувачи додека внатре имало голем број на вработени и корисници.
Откако со украдениот плен избегале од објектот ограбувачите беа пресретнати од мобилните екипи на МВР, но наместо да се предадат тие отвориле оган. Припадниците на МВР се впуштија во потера, а потоа на мостот „Влајко“ на бул. Партизански одреди дојде до вооружена престрелка.
Според првичните информации од терен еден од вооружените ограбувачи е ранет и однесен во скопските клиники, но се уште нема информации каква е неговата состојба, а неофицијално се пренесува дека им подлегнал на повредите.
Вториот напаѓач е приведен од „Алфа“ единицата. Пристапот до местото на престрелката е блокиран и се врши увид.
Улицата од Ѓорче Петров до Влае која води до центар е целосно затворена. Од МВР се очекува да излезе со официјални информации кои се напаѓачите.