Политичките партии повторно се сопнаа на прашањето за медиумите!
Во текот на вчерашниот ден, во склоп на преговорите на работните групи на четирите најголемите политички партии (ВМРО-ДПМНЕ, СДСМ, ДУИ и ДПА) не се постигна решение за прашањата поврзани со медиумите.
И покрај соопштението на олеснувачот Питер Ванхауте во кое тој наведе дека има напредок и доближување на ставовите меѓу партиите, сепак беше пробиен и вториот рок за да се договорат за измените на Законот за медиуми, како и за кадровските решенија во Агенцијата за медиуми и во Македонската радио-телевизија. Првиот рок беше пробиен на 20 ноември.
Преговорите, најверојатно, продолжуваат од Понеделник.
Новинарските здруженија, ЗНМ, ССНМ и МИМ, одржаа протест пред Клубот на пратениците поради, како што соопштија, нетранспарентниот начин на водење на разговорите за медиумите.