Подолски пристигна во Истанбул

Германскиот интернационалец Лукас Подолски слета во Истанбул за да го финализира трансферот во екипата на Галатасарај. Откако напаѓачот не се снајде најдобро во Арсенал и во Интер реши да ја прифати понудата на турскиот гигант.  Турскиот шампион се очекува за засилувањето да му исплати на Арсенал околу 5 милиони евра. Навивачите на Галатасарај му приредија топло добредојде на германецот како увертира за она што ќе следува на „Турк Телеком“ арената каде што е најавено официјалното претставување.