Friday, Oct 20, 2017
HomeДЕНЕШНАПолитикаПод силно полициско обезбедување се садеа дрвца на УКИМ

Под силно полициско обезбедување се садеа дрвца на УКИМ

policija_ukim

Неколку студенти од ФИНКИ предводени од нивниот декан професор Чорбев под силно полициско обезбедување садеа десетина дрвца велејќи дека се дел од УКИМ и дека им се потребни новите факултетски згради во барок стил кои мора токму тука да се изградат. Студентите пак кои го блокираа Ректоратот ги повикуваа колегите на разговор и да го чујат нивниот став, зошто токму денес садат дрвца кога на само неколку метри багерите се впуштија во уредување на теренот.

sadenje-drvca-ukim

Со ова се оди во целосна контра на Студентскиот и Професорскиот пленум кои се противеа на сечата на дрвата во кампусот на УКИМ, како и нивните напори да добијат став од Ректоратот за нарушување на природната средина, неодржливоста на проектот кој ќе донесе до намалување на квалитетот на образовниот процес и просторот кој е премал за толкав број на факултети.

ukimКонтрадемонстрантите садеа дрвца од Македонски шуми, а присуството на силно полициско обезбедување доби остри осуди од професорот по уставно право Шкариќ кој вели дека тоа е директно нарушување на автономијата на Универзитетот заштитена со Устав.