Почина Сатору Ивата, омилениот директор на гејмерите

Тажни вести за фановите на гејмингот кој денес изгубија една од ретките култни личности директно од корпоративната управа на Nintendo. Сатору Ивата, претседателот на Нинтендо, за жал ја изгуби битката со канцерот и денес почина на 55 годишна возраст.

Сатору Ивата беше еден од омилените ликови на гејмерите кои можеа да го следат во забавните онлајн прес конференциите Direct to you во кои ги најавуваше новите видео игри, кревајќи ја популарноста за гејмингот кај голем дел од публиката.

Ивата ја започна кариерата уште во 1980-та како млад и талентиран програмер во Нинтендо учествувајќи во изработка на повеќе наслови. Од 2000 ја извршуваше директорската функција, а потоа стана и четвртиот претседател во историјата на Нинтендо.