По втор пат прогласени за најбогати Словенци, поседуваат имот со неверојатна вредност
Во традиционалната анкета на бизнис магазинот „Менаџер“, Иза и Само Логин втора година по ред се одбрани за најбогатите Словенци. Овој пар во целост ја поседува компанијата „Аутфит 7“ и нивниот личен имот е проценет на вртоглави 855 милиони евра, со што е забележан благ пораст од 3,39% во споредба со минатата година.
На вицешампионското место се наоѓа претприемачот Санди Чешко, чија компанија „Студио Модерна“ се занимава со телевизиска продажба и маркетинг и нејзината моментална вредноста е проценета на 271 милион евра. Вкупниот имот на првите сто најбогати Словенци е процент на 4,6 милијарди евра.