По долго одложување „Тинекс“ ќе раководи со Етно селото во Нерези

Проектот на министерството за економија „Етно село“ по долга тендерска постапка и одложување му ја додели концесијата за раководење на Владимир Тодоровиќ и неговата компанија „Тинекс“, а на стартот „амин“ даде и екс премиерот Никола Груевски.

– Нашата визија е во „Македонско село” да понудиме врвна услуга, пријатен престој во удобни сместувачки капацитети и незаборавно искуство со уникатни содржини, а со тоа да ја промовираме македонската култура и традиција и надвор од Македонија.” – изјави на отворањето бренд директорката на компанијата „Тинекс“, Цветанка Христовска.

Комплексот сместен во Нерези кој го градеше Владата чини 5 милиони евра, а компанијата „Тинекс“ ќе стопанисува со Македонско село во следните 10 години и месечно ќе и плаќа на државата по 3.500 евра. Има капацитет за 100 гости во традиционален стил со селска архитектура од различни подрачја на Македонија.