Пленумот постави гласачка кутија пред канцеларијата на Студентски парламент
Студентскиот пленум со герила акција пред заклучената канцеларија на Студентскиот парламент и симболично поставија гласачка кутија пред вратата и во неа пуштија „гласачки ливчиња“ на кои е детално објаснето зошто претстојните избори за нов состав на СПУКМ се нелегитимни и нелегални, пренесе Плусинфо.
„Студентскиот пленум се реши да прави активен бојкот на изборите за нов претседател на Студентски парламент на УКИМ поради тоа што изборите се многу нелегитимни и нелегални. Патем, претседателот на СПУКМ, Кирил Спировски, распиша избори во период кога повеќето студенти не се тука, вратени се во своите градови или се на „ворк енд травел“ надвор од државата. Исто така изборите се распишани и надвор од академската година“ изјави Деа Здравковска од Пленумот.
Пленумот се противи бидејќи се нарушени бројни правила за одржување на студентски избори на кои веќе со години не може реално да се изрази волјата на академските граѓани иако досега имаше мал интерес кај нив да гласаат за своите лидери во официјалните организации и тела на универзитетите.
Извор: plusinfo.mk