Пентагон се пофали со убиството на значаен лидер на ИД
Пентагон излезе со официјално соопштение во кое тврди дека со дрон е убиен Хафез Саид Хан, лидер на ограноците на Исламска Држава во Пакистан и Авганистан, задолжен за координирање и извршување на терористички напади и регрутирање на нови борци за фронтот во Сирија.
Авганистанскиот амбасадор во Пакистан вчера, исто така, потврди дека Хан, заедно со своите команданти и војници, биле убиени од американско беспилотно летало во авганистанската област Кот, во провинцијата Нангархар.
Пентагон често сака да излегува со информации за убиства и елиминации на значајни лидери на терористичките организации како дел од успешната стратегија, но всушност и нема голем напредок во борбата со тероризмот бидејќи на местото на овие лица секогаш доаѓааат нови радикални и екстремни структура.