Парична награда за сезонските работници кои чистеа по поплавите во Аеродром
Општина Аеродром донесе одлука за исплата на еднократен паричен износ за сезонските работници во општината за нивниот дополнителен ангажман за санирање на последиците од неодамнешната катастрофална поплава.
„Општина Аеродром ќе им исплати еднократен паричен износ во висина од по 5.000 денари на сите ангажирани сезонски работници, кои деноноќно им помагаа на граѓаните во расчистување на последиците од поплавите на територијата на општина Аеродром, но и во Стајковци и другите поплавени региони“, се наведува во соопштението од Општината.