Пандов ги обвини „Шарените“ за бегање од дебата
Александар Пандов, еден од главните предводници на ГДОМ, ги обвини спротиставените граѓански иницијативи и движења меѓу кои и како што тој ги нарече „Шарените“ за бегање од дебата која требаше да се одржи денес на средбата во ЕУ инфо центарот.
Поканети според Пандов биле триесетина претставници од кои сите биле поддржувачи на опозицијата и актуелните протести на „Шарената револуција“, но дебата нема да има поради најави за демонстрации пред канцеларијата со што е проценето дека може да дојде до безбедносен ризик, пренесува Пандов.
Голем дел од повиканите здруженија не сакале да учествуваат воопшто на средбата само затоа што присутен ќе бил и Пандов со што провладините медиуми си добија одлична муниција да ги напаѓаат „соросидите“ кои најчесто бегаат од вакви соочувања на ставови и спротиставени мислења.