Ова се најубаво украсените објекти во Скопје пред Нова година

Град Скопје ги додели годинешните награди за најубаво украсени објекти во повеќе категории и победниците си добија признанија и пригодни подароци. Оваа година за најубаво украсен двор е наградена куќата на Матеа Трпеска, во населбата Водно. Најубаво украсена тераса е на Филип Нечевски во населбата Аеродром. Најубаво украсен двор по петти пат оди во рацете на средното училиште СУГС „Браќа Миладиновци“, додека пак најубаво украсен угостителски објекти е прогласен „Get Cafe “ во Кисела Вода. Градоначалникот Трајановски, денеска свечено им ги врачи признанијата на годинешните добитници на наградите во четирите категории од манифестација „Новогодишни бои на Скопје“. На наградените, Градот Скопје ќе им додели по 10.000 денари, а ЕВН Македонија наградените во сите категории еднократно ќе ги ослободи од плаќање на сметката за потрошена електрична енергија, за месец декември 2015 година.