Оставка на министерот за внатрешни по нападот во Багдад

Министерот за внатрешни работи на Ирак, Мохамед Габан, денеска објавил дека поднесува оставка, пренесува AFP.

-“Поднесов оставка до премиерот”, изјавил политичарот.

Потегот доаѓа по бомбашкиот напад на 3 јули кога загинаа најмалку 175 луѓе. Одговорноста на нападот ја презеде екстремистичката група Исламската држава која држи под своја контрола добар дел од северен и западен Ирак. По нападите властите прогласија тридневна жалост.