Опозицијата одби да учествува во Анкетната за фабриката за скандали
Пратениците на СДСМ и опозицијата нема да предложат свои членови во Анкетната комисија за фалсификуваните документи и лажни лични карти откако Илија Димовски од ВМРО-ДПМНЕ покрена иницијатива за расчистување на наводниот скандал пред одржувањето на изборите во април. Власта скандалот го нарече „Фабрика за афери“ во која наводно членови на СДСМ со криминално минато изработувале лажни лични карти, пасоши, лажни банкарски сметки, а располагале и со дел од прислушкуваните разговори кои ги поседува Зоран Заев. Меѓу пратениците од власта и опозицијата се води „партија пинг-понг“ со меѓусебни обвинувања за вмешаноста во големиот скандал. Според Илија Димовски СДСМ бега од одговорност кога тие се доведени во сомнеж, а пак Горан Сугаревски возврати дека постојната комисија за прислушкувањето може да го истражи и новиот наметнет скандал и дека без опозиционите пратеници може да се изберат членови во комисијата на власта.