Од полноќ бензинот поевтин за половина денар, дизелот за еден
Регулаторната комисија за енергетика одлучи бензинот да поевтини за половина, а дизелот за еден денар. Литар ЕУРОСУПЕР 95 ќе се продава за 61, а ЕУРОСУПЕР 98 за 63 денари. Новата цена на ЕУРОДИЗЕЛ ќе изнесува 42,50 денари. Екстра лесното масло за домаќинство поевтинува за 0,5 денари и ќе чини 31,5 денари за литар. Цената на мазутот М-1 се намалува за 0,645 денари за килограм и ќе изнесува 15,324 денари.