Ново издание и спот на „Massive Attack“

Англиската трип хоп група „Massive Attack“ го претстави новото ЕП издание „The Spoils“ и видео-спот за нумерата „Come Near Me“. Песната „Come Near Me“ и „The Spoils“ ги напишал и продуцирал Деди Џи, а му помогнале Стју Џексон како и гостинските вокали Гоустпоет за песната „Come Near Me“ и Хоуп Сандовел за песната „The Spoils“.

Овие две потполно нови нумери го наследуваат ЕП изданието „Ritual Spirit“ за чија продукција бил заслужен Роберт Дел Наја заедно со долгогодишниот студиски соработник Јуан Дикинс. „Come Near Me“ доаѓа со спот кој го режираше Ед Морис.