Новиот водовод ќе реши потребите на туристичката населба на Беровско езеро
Општина Берово ја најави изградбата на водоводната мрежа за туристичката населба околу Беровското езеро со што ќе се решат проблемите на сопствениците, но и на туристите со што се очекува поголем развој на еден од омилените туристички капацитети во земјава.
Проектот ќе се реализира преку апликација за средства од ИПА фондовите за прекугранична соработка со општина Сандански од Република Бугарија. Водоводот ќе има пречистителна филтер станица и резерворар со капацитет од 350 м3, додека пак самата мрежа ќе се протега на 8 километри. Висината на проектот изнесува околу 500 илјади евра.