Новиот модерен кинески воз почна со редовна употреба
Од вчера претпладне започна со работа и новиот патнички воз на Македонски железници. Потелкото на овој „ин“ воз е од кина и има капацитет од 200 патници. Сообраќа на редовните линии од Скопје за Велес во 9 наутро и на пладне во 13 часот и 20 минути, од Велес за Скопје во 11 часот и 50 минути и 14 часот и 25 минути и од Скопје за Табановце во попладневните часови.
Модерниот електричен кинески воз во Македонија стигна во месец ноември, чекаше неколку месеци поради пробниот период во кој стручњаците од Кина ги обучуваа македонските возачи и се чекаше добивање на атест. Инаку, возот има електронска табла за управување, монитори, камери, климатизирани вагони, електронски дисплеи за означување на станиците и вакум тоалети.