Новинарите од Хонг Конг жртви на полицијата и демонстрантите
Новинарите на Хонг Конг ја обележаа годината како една од најризичните досега со рекорден број на напади и од страна на полицијата, но и од страна на демонстранти. Хонг Конг минатата година влезе во серија на демонстрации и протести за добивање на поголема автономија од владата на Кина, како и реформа на политичкиот систем каде шефот на државата ќе биде самостојно одбран, а не претходно предложен од комунистичката народна партија.
Здружението на новинари на Хонг Конг го презентираше извештајот во кој новинарите за време на протестите биле силно нападнати од демонстрантите со удари и клоци, влечени по земја, а на фоторепортерите и снимателите им била уништувана опремата.
Интересно е што новинарите кои известуваа за протестите и креира јавно мнение за политички реформи беа напаѓани од истите луѓе кои ги застапуваат овие идеи. Сличен однос добиле и од полицијата која според повеќе извештаи има користено прекумерна физичка сила и врз новинарите и врз демонстрантите и случајните минувачи.