Нови 1.500 пастрмки во водите на Вардар
Денеска во водите на реката Вардар, кај хотелот Александар Палас, беа пуштени 1.500 парчиња македонска ендемична пастрмка (Salmo macedonicus Karaman,1924).
Проектот е во организација на Град Скопје, Македонската риболовна федерација, Министерството за земјоделство шумарство и водостопанство, Државениот земјоделски инспекторат и Министерсвото за животната средина и просторно планирање, а целта е да се овозможи заштита на македонската пастрмка и вретенарот, а со тоа и зголемување на бројноста на популацијата во течението на реката Треска, вклучувајќи ги и акумулациите Матка, Св.Петка и Козјак.