HomeДЕНЕШНАПолитикаНезависниот полициски синдикат револтиран од колективниот договор

Независниот полициски синдикат револтиран од колективниот договор

Независниот полициски синдикат денес повторно ги претстави своите барања за промена на колективниот договор кој е неправеден, особено за граничната полиција ангажирана во Танушевци, Маздрача и Стрезимир кои се прогласени за издвоени објекти и граничната полиција со усна наредба таму работи четири дена континуирано, по што следуваат четири слободни дена, што според Синдикатот е спротивно на Законот за работни односи, Колективниот договор и подзаконските акти во МВР.

goce delcev sindikat policija

„Овие луѓе кои ја бранат и обезбедуваат државната граница мораат 15 деноноќија да спијат и работат во полициските станици за граничен надзор, а за тие 15 дена само 176 работни часа ќе треба некој да им ги пишува нивните работни ангажирања. Ова е таква невидена дискриминација и неправда која денеска од министерот итно бараме отпочнување и решавање на ова прашање,“ изјави Гоце Делчев – претседател на Независниот синдикат на полицијата.

Преставниците на синдикатот ги изнесоа барањата пред зградата на МВР и очекуваат средба со новиот министер Оливер Спасовски за подобрување на нивниот статус и промена на штетните одредби бидејќи проблемот се провлекува повеќе месеци и полициските припадници ангажирани на граничните станици се закануваат и со протест. Од Независниот полициски синдикат наведоа дека поранешната министерка Гордана Јанкуловска и Сојузот на синдикати никако не сакале да им помогнат и им е наметнат правилникот за работа. Исто така веќе се поднесени и тужби за нарушување на работничките права.

Извор: nova.tv

Social Media Auto Publish Powered By : XYZScripts.com