Monday, Oct 23, 2017
HomeДЕНЕШНАПолитикаНема притвор за осомничените од Титаник

Нема притвор за осомничените од Титаник

SJO

Рано утрината судиите од Основниот суд Скопје на претходна постапка ги одбија барањата за притвор на СЈО и напишаа решенијата со кои ги ослободуваат од притвор осомничените во случајот Титаник. Прв излезе градоначалникот на Пустец, Едмонд Темелко,кој цел ден вчера беше на распит, а набргу потоа и поранешниот министер за транспорт и врски, Миле Јанакиески.

Тие како и нивните адвокати не кажаа ништо за обвинувањата на обвинителството дека се вклучени во изборни нерегуларности на изборите во 2012-та. Судските распити за нив следуваа откако специјалната јавна обвинителка Катица Јанева и нејзиниот тим вчера побараа притвор за осум лица и итно приведување на еден од нив поради криминализација на изборниот процес.

Вчера во Судот се појавија само четворица од осумтемина за кои СЈО бара притвор. Меѓу нив не беше поранешната министерка за внатрешни работи, Гордана Јанкулоска и секретарот на влада, Кирил Божиновски.. Во наредните денови во судот треба да се појават и останатите осомничени во првиот случај кој го објави специјалното обвинителство за изборни нерегуларности во 2012 година.