Нема повеќе емитување владини реклами на јавниот радиодифузен сервис
Вработените во „Македонска Радио Телевизија“ добиле наредба да прекинат со објавување на владини реклами и кампањи во временските интервали што досега биле предвидени за тоа.Одлуката е донесена по вчерашното објавено соопштение на Агенцијата за аудио и аудиовизуелни медиуми објавено вчера, во кое таа ги известува медиумите дека е стапен на сила законот за изменување и за дополнување на Изборниот законик договорен меѓу партиите потписнички на Договорот од Пржино кој е изгласан во понеделникот.
Член 83 од Законот за изменување и дополнување на Изборниот законик: Од денот на влегувањето во сила на овој Законик до денот на одржување на предвремените избори за пратеници, кои ќе се одржат на 24 април 2016 година, радиодифузерите, печатените медиуми и електронските медиуми (интернет-порталите) не смеат да емитуваат, односно да објавуваат реклами финансирани од буџетот на Република Македонија, од буџетите на општините и на градот Скопје и на сите други лица на кои со закон им е доверено вршење јавни овластувања.
