Нема долготрајна стабилност ако Македонија не е во НАТО
Министерот за одбрана Зоран Јолевски при престојот во САД побарал од политичарите пријатели на Македонија што побрзо добивање на покана за членство во НАТО со што ќе се заокружи процесот на целосна стабилизација на Балканот, особено во време на засилена бегалска криза.
Според Јолевски Европа се уште нема решение за бегалците од воените зони како Сирија, но и за економските мигранти од сиромашните азиски и африкански земји кои се повеќе се охрабруваат да транзитираат користејќи ја ситуацијата.
Македонија останува на ставот дека границата нема да биде затворена и оградата е поставена за поголема регулација на протокот на мигранти, но доколку Европа одлучи да ги затвори своите граници тоа ќе биде огромен проблем за нас, потенцираше Јолевски во Германскиот Маршалов фонд во Вашингтон.