НАТО со воени бродови ќе ги лови шверцерите на мигранти

НАТО ќе се вклучи во справување со бегалската криза со воени бродови кои ќе патролираат во Егејското море. Главната мисија ќе биде спречување на премин на терористички групи, но и хуманитарна цел за помош на бегалците кои со шверцерски криминални групи се превезуваат по морски пат до Турција.

Распоредувањето на НАТО силите е по барање пред се на Турција и Грција, а водечка улога ќе има Германија. Јенс Столтенберг, генералниот секретар на НАТО по состанокот во Брисел само кратко изјави дека целта е да се соберат разузнавачки информации за поголема безбедност, но не откри повеќе детали.