Нашиот Марко шести на листата на најпаметни тинејџери во светот
Нашиот компјутерски гениј, Марко Чаласан кој има 14 години, се најде на 6-тото место на листата на 50 најпаметни тинејџери на светот.
Сајтот Балкан инсајд пишува дека Марко е компјутерски гениј, кој на само 8 години веќе имаше добиени бројни признанија и дипломи од Микрософт. Првиот сертификат го доби на возраст од само 6 години. Марко е вљубеник во математиката и физиката, почнал да чита и пишува на 2-годишна возраст. Кога наполнил 4 години веќе зборувал течно англиски јазик.
Тој предава информатика на деца од 8 до 11 годишна возраст во неговото основно училиште. Течно зборува три јазици, а моментално учи и четврт.
Од Премиерот на доби ИТ лабораторија за да си го усоврши своето знаење и да напредува во иднина. Марко е еден од четирите тинејџери кои не се по потекло од САД, а кои се најдоа на оваа листа. Според листата, најпаметен тинејџер на светот е Џек Андрака од Мериленд, САД.