Нападнати Манасков и Стоилов, оштетени и автомобили
Голема физичка пресметка се одвивала рано утринава на булаворот Партизанска одреди во близина на пекара во која се собираат пред се млади луѓе по излегувањето низ ноќните локали. Во два инциденти најпрво биле нападнати репрезентативниот ракометар Дејан Манасков кој бил со фудбалерот Никола Трипуновски и нивно друштво, пренесува Телма.
Тие влегле во конфликт со група на навивачи кои физички се пресметале, им нанеле повреди, а ги оштетиле со камења и нивните две возила. Во близина пријавен е и напад врз ракометарот Стојанче Стоилов кој бил физички повреден. СВР Скопје работи на расветлување и на двата големи инциденти и кој се инволвиран во нив.
Извор: telma.mk