Најплатени писатели во 2016 година

Американскиот магазин „Форбс“ ја објави својата годишна листа на најдобро платени писатели. На првото место за 2016 година се наоаѓа американскиот писател Џејмс Патерсон, а друштво на врвот му прават оние кои оваа година заработиле милиони на своите дела: Дж. К. Роулинг, Стивен Кинг и Џон Гришам. Џејмс Патерсон, американскиот мајстор за „крими романи“ во својата долга кариера има продадено повеќе од 300 милиони примероци ширум светот и во 2016 година е автор кој може да се пофали со најголема заработка- дури 95 милиони долари!

Втор на листата на „Форбс“ е авторот на популарниот детски серијал „Diary of a Wimpy Kid“ Џеф Кини со 19.5 милиони долари, а трета е Дж. К. Роулинг со 19 милиони долари. Четврти на оваа листа е авторот Џон Гришам со 18 милиони, а зад него е хорор мајсторот Стивен Кинг со 15 милиони долари.