Најмногу слободни места за келнери и продавачи
Во вториот квартал забележани се над 6000 слободни работни места, но речиси една третина се наменети за профили кои не носат голема заработка и бараат основни квалификации и вештини, а токму 2.398 се од групата на занимања „работници во услужни дејности и продажба“ кои во просек носат плата до 15.000 денари.
Државниот завод за статистика објави дека стапката на слободни работни места во второто тримесечие од годинава изнесувала 1,38 проценти. Деловните субјекти кои имаат од 10 до 49 вработени имаат највисока стапка на слободни работни места, 1,88 проценти. Со највисока стапка на слободни работни места, 2,30 проценти, е Југоисточниот регион.