Началникот на ДБК ќе остане само во куќен притвор
Апелациониот суд ја одби жалбата на Специјалното јавно обвинителство како неоснована бидејќи веќе е искористена двостепената постапка за одлучување на Кривичниот совет и затоа Горан Грујевски, началник на петтата управа ќе излезе од притворот во истражниот затвор во Шутка и ќе остане во домашен притвор.
За останатите четворица осомничени допрва ќе се одредува дали и каква мерка на претпазливост ќе им биде изречена. Во случакот „Тврдина“ кој го покрена СЈО се води истрага дали началници во ДБК и екс министерот на МВР неовластено уништиле два системи за прислушкување и дека трагите за кривичното дело ги сокриле.