На повидок решение помеѓу Ереван и Баку, под покровителство на Москва?!
После жестоките воени судири, помеѓу двете поранешни советски републики, кои резултираа со воени и цивилни жртви, двете завоени страни потврдија дека ќе испратат делегации во рускиот главен град, за да најдат решение за конфликтот, кој всушност трае децении.
Азербејџан и Ерменија ја прифатија поканата на рускиот претседател, Владимир Путин, и ќе испратат свои претставници во Москва на разговори за прекин на огнот во Нагорно-Карабах.
„Двете земји, Ерменија и Азербејџан, потврдија дека ќе ги испратат своите делегации во Москва на разговори за да најдат решение за прекин на огнот во спорниот регион Нагорно-Карабах“, изјави портпаролката на руското Министерство за надворешни работи, Марија Захарова.
