МВР ќе издава лични карти в сабота и на денот на гласањето на вториот круг избори

Сите одделенија за управни работи на Министерство за внатрешни работи ќе работат на 28 и на 29 октомври, со што граѓаните и на тие денови ќе можат да извадат лични карти, информираат од МВР.

„Сите барања за издавање лична карта (оштетена, изгубена или украдена) по законски спроведената постапка, ќе се одобруваат итно во сите регионални одделенија за управни работи при Министерството за внатрешни работи и тоа само доколку подносителот не поседува биометриска патна исправа“, се вели во соопштението.

Како што соопшти МВР, барањата за лични карти ќе се примаат и ќе се одобруваат итно, заклучно со сабота до 16.30 часот.

На денот на изборите, одделенијата за управни работи ќе работат само за издавање лични карти, во периодот од 7 до 19 часот.