МВР идентификува уште четири лица инволвирани во нападите на Собранието

СВР Скопје на разговор повикале повеќе лица за кои постојат сомневања дека биле инволвирани во настаните во македонскиот парламент, пренесоа од Министерството за внатрешни работи.

„Притоа, поради констатирано постоење на основи за сомнение за сторено кривично дело – „учество во толпа што ќе спречи службено лице во вршење на службено дејствие“ по чл 384 од КЗ на РМ од страна на лицата Д.Т. (42), Ѓ.М. (52) и Т.О. (52) сите од Скопје, како и кривично дело – „учество во толпа што ќе изврши кривично дело“ по чл.385 од КЗ на РМ од страна на лицето Н.П. (39) од Скопје, за истите СВР Скопје до Основно јавно обвинителство Скопје ќе поднесе посебно Известување“, соопштуваат од МВР.

Секторот за внатрешни работи Скопје во консултација и соработка со Основното јавно обвинителство Скопје и понатаму презема мерки и активности во врска со настаните случени на 27.04. во Собранието на Македонија и обезбедување на преостанатите кривично пријавени лица, како и на идентификација и документирање и на други лица учесници во настаните.