МРТВ ќе известува за изборниот процес по правилник на Би Би Си
Денеска во „Александар Палас“ беше промовирана публикацијата „Етички и професионални принципи на МРТ за медиумско покривање на изборни процеси“, чија цел е да се обезбеди рамка во која новинарите ќе можат слободно и непречено да работат. Исто така со тоа ќе овозможи на публиката да и понудат непристрасно и независно информирање за изборниот процес, преку фер известување и аналитички осврт за кандидатите и за партиските кампањи и програми.
Британскиот амбасадор ја поздрави одлуката на МРТВ да работи според правилникот кој го подготвија тимот на Би Би Си од Лондон, британската амбасада во Скопје и МРТВ, како и Македонскиот институт за медиуми и Советот за етика во медиумите. Се очекува овој документ да биде придонес плус во справување со предизвиците кои ги наметна изборниот законик.
Прирачникот е едноставен и поделен во три поглавја: Принципи за покривање на изборни процеси, Општествена одговорност и личен интегритет на новинарите и Придонес од публиката и од учесниците во изборите.