Saturday, Sep 23, 2017
HomeДЕНЕШНАРепубликаМомче од Кочани дигнало во воздух автомобил на сограѓанин

Момче од Кочани дигнало во воздух автомобил на сограѓанин

Кочанчанец подметнал рачна бомба под автомобил, Мерцедесот дигнат во воздух. НК КР Кочани по преземени мерки до Основен Jавен обвинител поднесе кривична пријава против Б.М.(21) од Кочани поради постоење основи на сомнение дека сторил кривично дело „неовластено изработување, држење, посредување и тргување со оружје или распрскувачки материи“ и кривично дело „предизвикување општа опaсност“.

Пријавениот, соопшти денеска МВР, на 15.02.2011 година откако неовластено набавил рачна бомба кашикара постар модел со запалка од рачна бомба М-75, отишол на ул.Гоце Делчев во Кочани и во дворното место од семејната куќа на лице од Кочани позади задното лево тркало од неговото патничко моторно возило „Мерцедес“ ја поставил бомбата и употребил непозната запалива материја при што дошло до експлозија и целосно опожарување на возилото, со што предизвикал и значителна опасност за животот и телото на луѓето.