Mercedes со апликација за автоматско паркирање
Германскиот производител креираше нов систем со полуавтоматско паркирање на автомобилот, кој ќе биде достапен кај следната генерација на Mercedes-Benz Е класата. Remote Parking Pilot системот ќе биде од голема помош во ситуација со тесен простор за паркирање. Со апликацијата на вашиот смартфон ќе може да управувате со возилото кон напред и кон назад, колку што ќе ви биде потребно за да го паркирате автомобилот или да излезе од паркинг просторот.
Се уште не се познати сите спецификации за новиот Е модел на Mercedes-Benz, а познато е само дека ќе има повеќе верзии со 4, 6 и 8-цилиндарски мотори, со моќност од 315 коњски сили (6 цилиндри) и 125 коњски сили (4 цилиндри).
Oваа иновација ќе може да ја користите идната година кога ќе излезе новиот Mercedes-Benz автомобил со Remote Parking Pilot системот, па се надеваме дека оваа технологија ќе пристигне и кај останатите брендови кои работат на развој на слични проекти.
Извор: telefoni.mk