Мемети: Назадува соработката на институциите со канцеларијата на Омбудсманот
Презентирајќи го годишниот извештај, Народниот правобранител Иџет Мехмети соопшти дека нема никаков напредок, туку споредено со 2016 година има стагнација и назадување во однос на соработката на институциите со канцеларијата на Омбудсманот.
Мемети истана дека и се уште имаме исполитизирани и нефункционални институции кои спроведувале и партиски агенди и оти се почести се поплаките за проектот „Мој Термин“, која како што рече, создал хаос во јавното здравство.
– Поради попречувањата во работата од страна на Министерството за труд и социјална политика, Здравство, МВР, Министерството за правда и УЈП, Омбудсманот не успеа да спроведе целосни постапки за заштита на правата на граѓаните, рече Мемети.
Тој истакна дека затворениците се уште престојуваат во крајно нехумани и нечовечки услови, ускратено им е правото на здравствена заштита, а забележана е прекумерна употреба на сила на затворската полиција, како и полициска бруталност најистакната за време на протестите на Шарената револуција.
Народниот правобранител минатата година постапил по 4.718 случаи од примени биле 3.775 претставки а 37 биле отворени по сопствена иницијатива.