Машини за перење како улично осветлување во градот Камара де Лобос
Португалскиот град Камара де Лобос се подготвува за престојниот фестивал „Сан Педро“, а она што најмногу го привлече вниманието од досегашните подготовки се стари барабани од машините за перење искористени како улични светилки.
Автор на проектот наречен „Сон на летната ноќ“ е Театро Метафора, млада непрофитна организација, формирана од страна на група пријатели, чија основна цел е преку визуелниот аспект да се поттикне зачувувањето на животната средина.
За оваа изработка биле потребни шест месеци работа и цврста соработка меѓу волонтерите и градските власти со што се покажало дека со малку креативност и многу волја од нешто што изгледа целосно неупотребливо, може да се создаде нешто во кое ќе ужива секој.